Thilpek pek dan tur thenkhat te :

Bible ref. : Thufingte 3:9

“ I sumin Lalpa chawimawi la, i thil neih lo pung hmasa ber zawng zawngte nen.”
He thu hi a Saptawng Bible (The Message) ah chuan “I neih zawng zawngin Pathian chawimawi la, a hmasa ber leh a tha ber Pathian pe ang che” tiin a inziak a, kan Bible hmanlai (KJV Mizotawng) ah erawh hi chuan “I sumin Lalpa chawimawi la, i thil neih lo pung hmasa ber zawng zawngte nen” tiin a inziak thung a. A hmasa zawk khi a fiah zawk bakah a ropui hmel zawk mahin kei chuan ka hria. Pathian hian amah dah hmasak ber hi a phut a, chumai piah lamah kan rilru leh taksa chauh ni lovin kan neih sum a amah chawimawi turin Bible kaltlangin min ngen a ni.

 
Thilpek leh kan thawhchhuah hrim hrimah hian hmasa ber hi a hauh hrim hrim a, Lev. 23:9-14 kan chhiar chuan Israel fate khan an thlai leh Lova an thar reng reng Pathian hnena an hlan hma chuan an ei thianglo tih kan hmu a, chumai nilovin Numbers 18:8-14 kan chhiar chuan Hriak tha ber te, Grape tha ber te, buh tha ber te, rah hmasa ber te, an Lova hmin hmasa ber te Lalpa tana pek tur a nih thu kan hmu bawk a. Chuvangin Thilpek kawngah hian Pathian tan a \ha ber leh hmasa ber hi dah tur kan ni tih hi kan hriat nawn fo a tul hle mai. Korinth khuaa Kohhran hote pawh hian a tlakcham lai takin Paula an tanpui a, an hnenah lawmthu a sawi nghe nghe kha.

Thilpek (Sum leh Pai rawngbawlna) reng rengah hian kan duhdan ngawt a pek chi leh pek tur a ni lova, pek dan tur leh tihdan tur erawh a awm a ni tih kan hriat reng a tha. Sawi tur tam tak awm mahse tlemte, chu pawh thluaithlum lem lovin thilpek pek dan turte thenkhat te i lo zir ho teh ang :

1. Thawh tam leh tlem hi a bang tam leh tlemah chhut tur a ni : Luka Bung 21 kan chhiar chuan Hmeithai rethei thawhlawm chungchang kan hmu a, kha hmeithai khan cheng tam tak a thawh lova, Dere lek a thawh a nih kha. Nimahsela Isua ngaihah chuan a thawh hnem em em. Engvang nge kan tih chuan a thawh kha a neih zawng zawng, a intun nunna tur liau liau a ni a, a bang a awm tawh lo a ni. Midangte erawh kha chuan an neih chuangliam an thawh a, an thawh bang kha tam tak an la nei a ni. (Chuangliam tihte pawh hi chhui zui a va chakawm em) Kan chanpual a tlem a, Pathian tana a tam zawk kan pek hian Lalpa a lawm a, a ngaihah chuan kan lo thawh tam mai thin a ni.

 
2. Ui lovin pek tur a ni : Rome 12:8 kan chhiar chuan Thilpek petu chuan ui lovin pe rawh se tih kan hmu a, chuvangin Pathian tana thilpel/thawhlawm kan pek reng rengin phal takin, ui hauh lovin kan pe thin tur a ni. Chu chu Bible min zirtir dan a ni tlat. Chutianga kan tih loh a, ui tak chunga kan pe fo a nih chaun Lalpa hi kan lakah a lawm lovang tih a hlauhawm a, phal takin i pe thin ang u.
 
 
3. Hlim takin pek tur ani : Pathian tan thilpek kan pek reng rengin hlim takin kan pe thin tur ani. 2Korinth 9:7 kan chhiar chuan Tirhkoh Paula’n “Pathian chuan hlim taka petu a ni a hmangaih ni” tiin a lo sawi a, chuvangin Pathian hmangaih nih kan duh chuan Thilpek kan pek reng rengin lungngai tak nilovin, tum buau chung pawh nilovin, nur nung chung pawh a pe lovin, hlim tak leh lawm takin kan pe thin tur a ni. Lungngai taka petu a hmangaih thu kan hmu lova, hlim taka petu a hmangaih thu kan hmu zawk a, chuvangin thilpek kan pêk reng rengin hlim takin i pe thin ang u. Tichuan Pathianin min hmangaih thei ang.
 

4. Pathian hnen thleng tlak turin kan pe tur a ni : Thilpek kan pek reng rengin kan hnaivaia tawp mai tura pek loh tur a ni a, Pathian hnen thleng tlak leh thleng ngei turin kan pe thin tur ani. Tirhkohte Thiltih 10:4 thu kan chhiar chuan Sipai Zahotu Kornelia chanchin kan hmu a. A hnena Vantirhkoh rawn inlar khan he thu hi a rawn hrilh a, “I thilpekte hriat reng turin Pathian hmaah a thleng chho ta” tiin. He thu hi ka ngaihtuah thin a, a dawngsaemgtu tan hian a hluin a va lawmawm dawn em aw ka ti thin. Chuvangin thilpek kan pek hian pe mai mai lovin Pathian hmaa thleng tlak ngei tur leh thleng ngei turin kan pe thin tur ani.

 
5. Pek tur dik tak pek tur a ni : Thilpek kan pek reng rengin pek tur dik tak, Pathian tan kan pe thin tur ni. Chanchintha Luka 7:36-50 kan chhiar chuan Isua’n Pharisai Simona ina chaw a ei thu kan hmu a, khatah khan an khuaa mi Hmeichhe sual pakhat kha Isua bulah lo kalin Albasta bawmin hriak rimtui a rawn keng a, Isua bulah thuin a tap a, a mittui Isua ke phaha far chu a sama hruin a fawp ngawih ngawih mai a. Chu mai chu duhtawk lovin a hriak ken chu Isua ke ah chuan a hnawih ta a. Chung thil chu Simona’n a hmuh chuan “He nu hi hmeichhe sual tak a ni si a” tiin a Pharisai rilru dik tak chu a phawrh ta a. Nimahsela Isua’n zilhhauin hmeichhe hnenah chuan he thu mawi tak mai a sawi ta a. “I sualte ngaihdam a ni ta” tih thu hi. A dawngtu tan hian a va lawmawm dawn tehlul em! Engvanga kha hmeichhia khan sual ngaihdamna chang nge a ni kan tih chuan pan tur dik tak Lal Isua a pan a, a thil neih chhun kha tlawm mahse pek tur dik tak Lal Isua a pek vang a ni.

Thawhlawm kan thawh/thlpek kan pek hian Lalpa ni lova, kan mihringpuite tana thawhah kan inngai anih chuan lawmlo tak chung te, ui tak chungte in kan pe dawn tih a chiang reng a. Chutianga kan pek chuan kan thilpek hi Lalpa hnen thleng tlak a ni dawn lova, chuvangin kan pek tur dik tak, kan Pathian Lal Isua hi pe ila, hlim tak leh ui hauh lovin kan pe ang a, kan thilpek ah Pathian a lawm ang a, a hnen thleng tlak a lo ni mai dawn a ni.

Thilpek pek dan tur thenkhatte

Bible ref. : Thufingte 3:9
“ I sumin Lalpa chawimawi la, i thil neih lo pung hmasa ber zawng zawngte nen.”

Mizo Kristiante hi thilpek/thawhlawm uar kan ni a, chung kan thilpek kan pek dan tur Bible a kan hmuh thenkhatte ka'n phochhuak ve reng reng teh ang, blog update khat manah inzirna nipah fawmin.

He thu hi a Saptawng Bible (The Message) ah chuan “I neih zawng zawngin Pathian chawimawi la, a hmasa ber leh a tha ber Pathian pe ang che” tiin a inziak a, kan Bible hmanlaiah erawh hi chuan “I sumin Lalpa chawimawi la, i thil neih lo pung hmasa ber zawng zawngte nen” tiin a inziak thung a. A hmasa zawk khi a fiah zawk bakah a ropui hmel zawk mahin keichuan ka hria. Pathian hian amah dah hmasak ber hi a phut a, chumai piah lamah kan rilru leh taksa chauh ni lovin kan neih sum a amah chawimawi turin Bible kaltlangin min ngen a ni.

Thilpek leh kan thawhchhuah hrim hrimah hian hmasa ber hi a hauh hrim hrim a, Lev. 23:9-14 kan chhiar chuan Israel fate khan an thlai leh Lova an thar reng reng Pathian hnena an hlan hma chuan an ei thainglo tih kan hmu a, chumai nilovin Numbers 18:8-14 kan chhiar chuan Hriak tha ber te, Grape tha ber te, buh tha ber te, rah hmasa ber te, an Lova hmin hmasa ber te Lalpa tana pek tur a nih thu kan hmu bawk a. Chuvangin Thilpek kawngah hian Pathian tan a tha ber leh hmasa ber hi dah tur kan ni tih hi kan hriat nawn fo a tul hle mai. Korinth khuaa Kohhran hote pawh hian a tlakcham lai takin Paula an tanpui a, an hnenah lawmthu a sawi nghe nghe kha.

Thilpek (Sum leh Pai rawngbawlna) reng rengah hian kan duhdan ngawt a pek chi leh pek tur a ni lova, pek dan tur leh tihdan tur erawh a awm a ni tih kan hriat reng a tha. Sawi tur tam tak awm mahse tlemte, chu pawh thluaithlum lem lovin thilpek pek dan turte thenkhat te i lo zir ho teh ang :

1. Thawh tam leh tlem hi a bang tam leh tlemah chhut tur a ni : Luka Bung 21 kan chhiar chuan Hmeithai rethei thawhlawm chungchang kan hmu a, kha hmeithai khan cheng tam tak a thawh lova, Dere lek a thawh a nih kha. Nimahsela Isua ngaihah chuan a thawh hnem em em. Engvang nge kan tih chuan a thawh kha a neih zawng zawng, a intun nunna tur liau liau a ni a, a bang a awm tawh lo a ni. Midangte erawh kha chuan an neih chuangliam an thawh a, an thawh bang kha tam tak an la nei a ni. Kan chanpual a tlem a, Pathian tana a tam zawk kan pek hian Lalpa a lawm a, a ngaihah chuan kan lo thawh tam mai thin a ni.

2. Ui lovin pek tur a ni : Rome 12:8 kan chhiar chuan Thilpek petu chuan ui lovin pe rawh se tih kan hmu a, chuvangin Pathian tana thilpel/thawhlawm kan pek reng rengin phal takin, ui hauh lovin kan pe thin tur a ni. Chu chu Bible min zirtir dan a ni tlat. Chutianga kan tih loh a, ui tak chunga kan pe fo a nih chuan Lalpa hi kan lakah a lawm lovang tih a hlauhawm a, phal takin i pe thin ang u.

3. Hlim takin pek tur ani : Pathian tan thilpek kan pek reng rengin hlim takin kan pe thin tur  ani. 2 Korinth 9:7 kan chhiar chuan Tirhkoh Paula’n “Pathian chuan hlim taka petu a ni a hmangaih ni” tiin a lo sawi a, chuvangin Pathian hmangaih nih kan duh chuan Thilpek kan pek reng rengin lungngai tak nilovin, tum buau chung pawh nilovin, nur nung chung pawh a pe lovin, hlim tak leh lawm takin kan pe thin tur a ni. Lungngai taka petu a hmangaih thu kan hmu lova, hlim taka petu a hmangaih thu kan hmu zawk a, chuvangin thilpek kan pêk reng rengin hlim takin i pe thin ang u. Tichuan Pathianin min hmangaih thei ang.

4. Pathian hnen thleng tlak turin kan pe tur a ni : Thilpek kan pek reng rengin kan hnaivaia tawp mai tura pek loh tur a ni a, Pathian hnen thleng tlak leh thleng ngei turin kan pe thin tur  ani. Tirhkohte Thiltih 10:4 thu kan chhiar chuan Sipai Zahotu Kornelia chanchin kan hmu a. A hnena Vantirhkoh rawn inlar khan he thu hi a rawn hrilh a, “I thilpekte hriat reng turin Pathian hmaah a thleng chho ta” tiin. He thu hi ka ngaihtuah thin a, a dawngsanwgtu tan hian a hluin a va lawmawm dawn em aw ka ti thin. Chuvangin thilpek kan pek hian pe mai mai lovin Pathian hmaa thleng tlak ngei tur leh thleng ngei turin kan pe thin tur  ani.

5. Pek tur dik tak pek tur a ni : Thilpek kan pek reng rengin pek tur dik tak, Pathian tan kan pe thin tur  ni. Chanchintha Luka 7:36-50 kan chhiar chuan Isua’n Pharisai Simona ina chaw a ei thu kan hmu a, khatah khan an khuaa mi Hmeichhe sual pakhat kha Isua bulah lo kalin Albasta bawmin hriak rimtui a rawn keng a, Isua bulah thuin a tap a, a mittui Isua ke phaha far chu a sama hruin a fawp ngawih ngawih mai a. Chu mai chu duhtawk lovin a hriak ken chu Isua ke ah chuan a hnawih ta a. Chung thil chu Simona’n a hmuh chuan “He nu hi hmeichhe sual tak a ni si a” tiin a Pharisai rilru dik tak chu a phawrh ta a. Nimahsela Isua’n zilhhau in hmeichhe hnenah chuan he thu mawi tak mai a sawi ta a. “I sualte ngaihdam a ni ta” tih thu hi. A dawngtu tan hian a va lawmawm dawn tehlul em! Engvanga kha hmeichhia khan sual ngaihdamna chang nge a ni kan tih chuan pan tur dik tak Lal Isua a pan a, a thil neih chhun kha tlawm mahse pek tur dik tak Lal Isua a pek vang a ni. Thawhlawm kan thawh hian Lalpa ni lova, kan mihringpuite tana thawhah kan inngai anih chuan lawmlo tak chung te, ui tak chungte in kan pe dawn tih a chiang reng a. Chutianga kan pek chuan kan thilpek hi Lalpa hnen thleng tlak a ni dawn lova, chuvangin kan pek tur dik tak, kan Pathian Lal Isua hi pe ila, hlim tak leh ui hauh loivn kan pe ang a, kan thilpek ah Pathian a lawm ang a, a hnen thleng tlak a lo ni mai dawn a ni.

Tih theih tawk

Blog upadate khat bawk a, ziah tan dan tur pawh ka bang bo ta hle mai a. Engpawh nise, Blog neih ve takah chuan ka'n update ve reng reng a nge.Tun tum chu keimah ngeiin ka tawn leh ka vei ve em em thin ka'n post teh ang. Ka rilrua awm chu Bible thu daih a ni a, a nihna ka ziakchhuak zo dawn chuang lo tih inhre reng chungin kan thaihnawk ve leh hram teh ang.

Chanchintha Marka Bung 14 ah khan Isua'n Simona in a chaw a ei tur chung chang kan hmu a, khatah khan chaw an ei hmain Nawhchizuar pakhat a lo kal a, ani chuan a hriak man tam ken chuan Isua chu a leih ta a, a sam te chuan Isua ke te a hru a. Chulai hmuna awm ve te rilruah chuan "He nu hian he hriak rimtui hi hralh sela, Duli 500 lai a man awm si a, chu chu hralhin miretheite hnenah pe zawk se" tiin an ngaihtuah a. Isua'n an ngaihtuahna te a hriat vek avangin a chhang ta a, a chhanna zawng zawng ka duh vek loh avangin ka duh lai te chu Marka 14:8 thu, "A tih theih tawk a ti a ni" tih lai tak hi a ni. Lal Isua'n ti hian a sawi zui a, 'He thil hi an sawina apiangah he nu chan chin hi an sawi tel zel ang' tiin.

A hmingin Office-ah te kan thawk ve a, kan nihna a san loh avangin Pu te chanchin an zawh hmasak pawl kan ni a. Chu bakah, thil tul leh pawimawhah an rawn leh  thil tih nasat tir ka ni. Ka thawhna hi Administrator Office a nih avangin Certificate hrang hrang, Tribal, Residential, Income, ILP, etc. lak tum an in tawksir khup chang pawh a tam.Chung min rawn dawr thintute chu theih ang angin ka lo pui fo thin a, kum lama Upa te phei chu puih loh chi pawh an ni lo. Chung ho chu a engamah an hrethiam tak tak lo leh an upat tawh avang an mitin khua a hmuh that tawh loh te pawh an ni thin. Chung ho tan chuan theihtawp lo chhuah pui pawh a awm ngawih ngawih. Thenkhat chu la thalai deuh te an ni a, an dah khah thiam loh min zawt a, chumai piah lamah dahkhah sak turin min la beisei a. Chumi dahkhah mai chu a la zia deuh, chumi piah lama ka huat em em mai chu, anmahni hmig tak ngial pawh Sign peih lova min ziahtir talh tum an awm leh khut thin. A nihna takah chuan a hnu leh zelah pawh puih an chakawm loh thin. An hriat loh min zawt a, tihdan tur kawhhmuh chu ka tih gei ngei tur  ani, keipawhin ka zawh ve fo thin avangin. Dahkhah sak mai pawh ka la hreh lo, anmahni tih ve theih reng, an hming sign thleng thlenga min tih tir talh an tum thin hi ka ngai thei bau lova, puih pawh an chakawm loh rawih thin. 

Thenkhat chu ziak leh chhiar thiamloh avanga kut zungpui nem te pawh an awm, chung ho chuan "Kut zungpui min nem sak rawh" min ti ngai lova, anmahni zawkin, 'Kut zungpui kan nem mai ang' an ti zawk thin. Chung ho ai chuan an vannei zawk a, an ziak thei a, a ziah dan tur an hrelo mai chauh a ni a, chung hovin anmahni tih thei tawk ti hmasa phawt lova, midang an ring tlat thin hi ka hua a, malsawmna dawng tlakah pawh ka ngai lova, kutdawh nen thuhmun rengah ka ngai. Certificate pawh nei tlak vakah ka ruat lo.(Ka ti mah mah em aw...?)

Nawhchizuar hmeichhia pawh khan a tih theih tawk a ti ani tih Isua'n a hriat avangin a sual a ngaidam a, a tih theih tawk kha ti lo ta se ngaihdam a ni ang em? tih hi zawhna pawimawh tak a ni. Midang puihna lo chuan tumah nung thei kan awm lova, kei phei chuan ka thei lo leh zual. Chutiang mihring pawh chu ni mah ila mi puihna hi a thlawn ngawt a dawng tur chu kan ni bik lova (Kutdawh rilru pu ngawt tur kan ni lo), keimahni lam pawh hi PUIH TLAKIN kan awm ve phawt hi a ngai hian ka hre thin.

Chuvangin chhiartu duh tak, midang puihna i beisei a nih pawhin PUIH TLAKIN AWM HMASA phawt thin ang che.

Thu nawi

Hmanni chu ka hnathawhna hmun atanga ka haw tur Sumo chan pahin thingpui dawrah ka chawl a, sumo lah chu a rawn thleng har phian leh nghal a. A rawn thlen meuh chuan ka lo inhnawhpuar fe hman . Driver ka'n bia a, seat khat a ruah thu min hrilh a ka lawm ngei mai. Chutih lai chuan thingpui dawr a lo awm ve, kan thianpa pakhat chuan hmuh tha a lo hmu leh hman pek. Harh ngang hi a nia. A enna lam ka va hawi phei chuan kei pawh chuan tha ka ti ta riau mai pek a (h)! Kan be zak deuh ve ve bawk si a, thlir mai mai kha kan duh tawk ta ringawt.


Kan chhuah a lo hun chuan a tlar hnung berah nu upa tawh lam pakhat leh vai pahnih nen kan in beng ve ran a, thawmhnaw bawm lah chu an lo hung lian mai si ah, a hnawk riau nain a chuang hnuhnung ber tan sawisel nuam tak chu a ni hauh lo. Chhuah dawn aruaiah ka thutpui nu upa tawh lam (sumdawng thin, bungraw la a ni awm e) chuan a kalnaah a puan bah a theihnghilh thu a la sawi tak deuh deuh. Driver ka hmelhriat ve deuh roh avangin pawi ka ti ta lem lo.


Kan tlanchhuak ta a, driver kam nam deuh nen kan ri leh deuh hlut thin. Ka thutna lam ringawt ka lo buaipui a talangin tute nge ka chuanpuite tih lam ka lo uksak vek lem lova. Ka han hawikual hnu chuan Thingpui dawr atanga Angaiha nena kan thlir dun kha ka hma tlar (Sumo tlar lai) ah a lo thu ve reng hi a lo ni a.


A u te fapa a pawm sak a,thil dang vak pawh a ngaihtuah hmel loh in ka hria. Kan en chiang deuh a, a vun a lo no nalh reuh phian a, tin, a hmelin a lo pui ve bawk nen. A tituai nalh tel leh a hmel chu inhmeh ka ti ngei mai. Thlir pawh a thlir nawn fo ngai thin ni mai lovin thlir veng veng emaw thlir vawng vawng loh phal chi niin kei chuan ka hre lo. Khaw lum avanga a nghawng vela a thlan tla ka hmuh te pawh chu thlan nilovin amah cheitu ve reng emaw tih palh pawh awl khawpin a lan nalh pui thei tho nia mawle! Kan Driver chuan darkar 1 chuang a lo phurh tawh avangin a lo nel deuh tawh pawh a ni mahna, a be ang bawrh bawrh a. Ka thik ta em pawh ka hre nek love a, ka be ve ngam der bawk si lo.


Kawng lakah chuan kawng kam maiah hian Tui hmun nuam ve ang reng tak, a hna pawh kang chat ve ngailo hi a awm a. Khua a lum bawk a, chutah chuan Driver chuan insil dai turin motor chu a ti ding a, chu tleirawl te pawh chu a nau pawm nen chuan an chhuk ve mai a, an va insil dai ve ta a. Midang zawng chu thutna chuhpui hlau awm fahran hian kan thu nghet chat reng a. Driver nen chuan tui ten an intheh fiam vel a, sumo atang chuan ka lo thlir mai mai a. Chhuk ve tange phei chu ka ti lem lo. Tleirawl zak zum lutuk chu niin a lang lo, zah nachang a hrelo pawh a ni mahna.


Chumi hnu chuan kan tlan leh ta a, darkar khat dawn kan chuan hnu pawhin ka la be ngam ta chuang lo. Tumkhat motor sir, a khalhtu thutna lam darthlalanga kan inmelh zawk kha ka biak teuh ber tum a ni mai awm e.


Tichuan, a tawi zawngin, darkar 2 dawn kan tlan hnu chuan ka chhukna tur hmun chu ka thleng ta a. Chuta ka chhuk tur chuan a tawp nan ti ni awm fahranin ka va melh leh hram pek a, chumi tum chuan mi rawn nui ve seih a, chumi hnua ka ngaihtuah zawm leh chu he thu ka ziah lai hi a ni leh tlawng mai.


Kawng laka an insil lai chuan thil dang daih ka lo ngaihtuah a. He nu hian min duh ve ta se, heti khawp hian a duhawm a ni si a, a lakah hian ka luangliam viau angem? A thuhnuaia kun tur pawha in phal theih tur khawpin a hmel leh chezia leh hawiherin mi a lem bawk nen. Ka phulo mah mah em le tih te ka ngaihtuah a. Midang zawng zawng kalsanin he nu hi thlang ta ila tuma'n min dem pawhin ka ring chuanglo. Chu chuan a landan a hrilhfiah viau awm e.


Chuta ka thutlukna chu hei hi a ni. Ka Mizopuite, ka chhungte leh ka hnam phatsanin amah chu ka thlang thei lo a ni tih hi. A chhan chu hnam dang (Vai) a ni miau a. Ka biak loh chhan pawh kha engdang vang a ni lo, vai tawng ka thiamloh vang mai a ni e.


I am back

Kum hnih lai a lo ni leh ta reng mai. Blog update dan pawh ka thiam tawh hleinem le, k'u Zaitea awm hi chu a lawmawm thin ngawt mai.


Engpawh nise ka lo kir e.

Ve mai mai

Hun eng emaw chen chu ka Blog hi ka update hman dawnlo tlat mai. Min duhsaka ka thuziah fahrah te te min lo chhiarsak thintute leh min kawmen sak thintute zawng zawng chungah lawmthu ka sawi a, min lo tlawhsak leh zel turin ka ngen nghal che u a ni.

Ka ti tawp dawn lova, ka lo kir leh thuai ang.

Thlalak

Post tur vang em mai, tun tum chu tawi te, kim lo deuh post ve zuai teh ang. A ti ngai lo ber hian Thlalak lampang ka'n ziak ve te'ng

Thla latu tha tak ni tur chuan thla la thiam tak nih a ngai a, mawi leh nalh taka a lan theih nan ngaihtuahna tha a neih a ngai a, mite hmuhtlaka a chhuah loh chuan an sawisel dawn a ni tihte pawh a hriat vek a ngai. 

Tunlaiah chuan Thlalakna changkang leh tha tak tak a tam tawh a, blog leh website-ah te pawh thlalak fiah fai tak tak leh hmuh tlak a tam tawh a, mit a fah a, nun a tihlim tel bawk.

Hetiang ringawt atan hian thlalatute chuan an thiamna an hmang ngailo. Mi thla an laksak a, an siamsak a, an hralh leh thin a, sumdawn nan an hmang thin. Chutiang lam zawk chu a nia sawi ka tum zawk chu.

Thla lak sak ringawt chu a har vaklo maithei, mahse mawi taka a rawn chhuah theih dan tur hi a pawimawh ta a ni. Nalh leh fel fai taka a chhuah loh chuan tuma'n an lei duh dawn lo tih a chiang bawk si... 

Thlalak chu Developed a ngai a, chumai chu ni lovin Print a la ngai cheu. Chupawh chu a awlsam hauh chuang lo. Dark room a kal tlang ngei ngei a ngai a, chu room thim chu tha taka a paltlang hnuah chauh Thlalak nalh tak a lo chhuak thei thin.


Hringnun pawh hi hetiang chiah hi ani. Mihlawhtlingte an ngaihsanawm em em a, mi thil titheite an awhawm thin. Mi hausa te lek phei chuan tlawn an hlawh em em. Milarte kan ngaisang a, an nun dan kan entawn a, mahni khawsak phungin a mil leh mil loh lamte leh kan mawipui leh mawi pui loh lam ngaihtuah hauh lovin an incheidanin kan inchei a, an hlawhtlinna chhan leh a phena thil awm erawh kan ngaihtuah thleng chuang si lo.

Heng kan mi ngaihsan em em te pawh hian an hlawhtlinna leh larna te, mite ngaihsan an nihna te hi awlsam taka an hlawhchhuah a ni bik lo tih kan hriat tel a tha.

Harsatna tam tak an paltlang ve tho a, hrehawm tia kun tlawk tlawk chang te pawh an ngah ang. An lo piang chhuak ve pawh pawi tih em em chang pawh an rilruah a lang ve fo tho ang. Mahse an chunga harsatna chi hrang hrang, an hlawhtlinna dal thei thil tam tak lakah an beidawng lova, an inhneh tir duh lova. Nasa takin hneh tumin an beilet a, chumi rah chu.... kan lo ngaisang ta em em anih hi. Mite awh khawpin nun an hman theih phah thin. 


Thlalak nalh tak, hralh tlak ni turin Dark room a paltlang a ngai thin ang hian hlawhtling tur hian harsatna kan hmachhawn a ngai a, chumi kan hneh hnuah chauh kan hlawhtling  ang.

Min duhsaktute