26th February, 2023 a Chanchinbu chhuak; Pentecostal
Conqueror-a Editorial ka ziah hi helamah hian dahtha ve leh ang.
sang zawka thlen turte pawh a rel
thin bawk a, mahni tualchhunga hman tur hrang hrang leh hmalakna tur pawh a rel
thin a. Hetiang kawng hrang hranga ruahmanna siam dawn hian ngaihtuahna sen
uluk a ngaih bakah zau tak thlir thiam a tha thin hle. A theih phei chuan a
hmalamin hetiang hi rel a ni tawh em? tihte, kalpui a lo ni tawh thin em? tihte
ngaihtuahin engtiang chiahin nge nghawng a lo neih tawh tihte thlenga chhut a tha.
Rorel hi pawngtawng hmanhmawh chi a ni lova, ni e tih dual rikngawt pawh a ni lo. Uluk taka rel thin tur a ni. A tha zawng leh a thalo zawnga a nghawng theih dante pawh bûk tawn ngai a awm thei a, chuvang chuan taima taka rorel hi a tulin kan mamawh hle. Vawikhat rel sualin Kohhran a tihchhiat theih dante leh, rel fuh tawh vek vekin Kohhran a tihhmasawn theih zia chiang taka hriat a ngai a. Chuvangin, kan fimkhur hle a ngai.
Rorelna kaihruaitu tanah pawh luhai thlak tur khawpin rorel laiin kan taima tawk thin lova, kan ngaihtuak uluk peih lova, a chang phei chuan sawi pawh kan sawi tha duh lova, a hnuah kan sawiselin kan phun leh thin. Chutiangah chuan lungawisa pawh a lungawi loh phah theih avangin kan fimkhur a ngai hle.
A tlangpuiin kan rorel tur hrang hrangte hi kan hre lâwk tlangpui a. Ngaihtuahna lo sen lâwk lai hi kan pachhiatna a ni tlangpui a, chuvangin helamah pawh hian taima thar leh ang u.
