THUTHLUNG VANGA HUAISENNA
Phuahtu - Evan. Zoremmawia Hlondo_24.08.2026
Bial SS Senior & Doctrinal Meet 2026-a Recitation tur
Bial SS Golden Jubilee a lo thlen hian
Kan nghilh ngai loh tur chu min hruaitu Pathian
Zawr tak ata filawr takah
Ziak fiah lo ruai atangin pentui tha mi
A phek ropui bera chuan tirin
Jubilee ropui min hruai thlengtu Pathian chu I fak ang u
Naupangtê ni mah ila, koh kan ni asin
Midangte tlûk lai pawha rinna vanga thochhuak thin
Thinlung meialh nei, thlarau thianghlim hruai
Isua ênga kal kan ni.
Thuthlung hi kan thutiam nghet chu a ni
Tiam chin awm lova Pathian hmangaihin
Nitin fiahna paltlang thei Pentecost naupang niin
A thu phelh tawh ngai lo khan kan kawng a hruai reng si.
Kan chakna thurûk ril ropui chu
Khawvel chhuak ni lo, chunglam min pêk ngei hi a ni
Tawngtaina te, rinna te, Pathian hmangaihna kaltlang tea thil thlawn pek chu
Thlarau thianghlim tihchak kan ni ngai e.
Chi tetaktê a tiak a a thanglian ang hian
Kan thlarau nun chawmlenna hmunah zel aw...
Pathian hmel hmu turin nitin tawngtai la
Exam laia chauha tawngtai nghek a tawk lo aw...
Kan naupang a ni mai thei
Kan tum erawh Vanram a ni
Hlauhthawnna vanga rinna nghing mai mai ngai lo
Pentecostal mei nung chu kan thlarauvah a bet si
Kan tum ram pana min nawr kal thintu chu.
Chona hmachhawn tura biru ngai lo Pentecost Mi
Krista kianga chatuan mi ni tur
Tlangsawn theihna khawp rinna nei lo mah ila
Lal ram thlenpui tham rinna kan nei
Kan Pa Pathian, Isua Krista ngei chu kan dilna chhangtu a ni.
Thalai te u, Naupang te u, nu leh pa te u
Tho ru, chatuan eng lam thlir tlat ru
Tui leh thlarau avanga kan chan tur ram ngei chu
Kan chang ngei dawn a nia Krista zarah
