Tun tum chu Palm Sunday pualin tawi te, pangngai ve deuh ka'n post teh ang. Mahni tih theih loh pui ni mahse...
Vawiin (5 April 2009) hi Lal Isua'n chawimawina a dawn chhun champha a ni a, khawvel a rawng a bawl lai, tun ang hunah hian ropui tak in Jerusalemah a lut a nih kha. A hun lai ang turin naupang ten hnah kengin kawng an zawh leh ta.Ka duh lai tak chu Lal Isua'n Sabengtung no la tura a zirtir te a tirh lai a a thusawi kha a nia. Chu chu "Tuma la chuanna ngai loh" tih leh "Lalpa in a duh a ni" (Luka 19:30,31) tih kha a ni.
Sakawr emaw Sabengtung pawh ni se la sawizawi loh chung a chuan kha chu a harsat viau ka ring a, chuti chung chuan Lal Isua kha a chuang tlat. A hel ta tih thu kan hmu lova, tha takin a kal mai. A chhan chu a chungah Thuneitu, Lal Isua a chuan vang a ni.
Ringtu (Kristian) in ti te pawh hi kan chungah Lal Isua chuang tawh tur a ngaih kan ni. Chuti a nih chuan kan duh dan ni lovin Pathian duh dan a nung tur kan ni.Chuti chung chuan a thu ang nilo hian kan nung fo thin a, kan hel leh fo thin. Kan chuan tir tak tak lo em ni ang le?? In bih chian deuh kan ngai.
Kan chuangah Lal Isua a chuan hma (kan pianthar hma) chuan kan duh dan dan in kan lo nung pawh a ni thei, piangthar kan nih ang ngeiin kan nun dan, kan duh zawng leh chetzia pawh a danglam ve tur a ni. Kan pianthar tawh chuan kan chungah Lal Isua a chuang tawh tihna ani. Fakna hla in 'Ka tih thin te tih a rem tawh lo, Ka tih ngai loh te tih a tul zawk a' a tih nun kha kan neih a ngai.Pathianin a tan a nung a thawk turin min duh.
Tumkauni kan hman atang hian Lal Isua chuanna kan nih ang ngei hian insiam thar ila,kan la chuantir lo a nih pawhin a chuanna tlak ni turin in buatsaih a pawimawh. A kim lovin ka hria a, a kim lovin ka rawn post a ni e.
Vawiin (5 April 2009) hi Lal Isua'n chawimawina a dawn chhun champha a ni a, khawvel a rawng a bawl lai, tun ang hunah hian ropui tak in Jerusalemah a lut a nih kha. A hun lai ang turin naupang ten hnah kengin kawng an zawh leh ta.Ka duh lai tak chu Lal Isua'n Sabengtung no la tura a zirtir te a tirh lai a a thusawi kha a nia. Chu chu "Tuma la chuanna ngai loh" tih leh "Lalpa in a duh a ni" (Luka 19:30,31) tih kha a ni.
Sakawr emaw Sabengtung pawh ni se la sawizawi loh chung a chuan kha chu a harsat viau ka ring a, chuti chung chuan Lal Isua kha a chuang tlat. A hel ta tih thu kan hmu lova, tha takin a kal mai. A chhan chu a chungah Thuneitu, Lal Isua a chuan vang a ni.
Ringtu (Kristian) in ti te pawh hi kan chungah Lal Isua chuang tawh tur a ngaih kan ni. Chuti a nih chuan kan duh dan ni lovin Pathian duh dan a nung tur kan ni.Chuti chung chuan a thu ang nilo hian kan nung fo thin a, kan hel leh fo thin. Kan chuan tir tak tak lo em ni ang le?? In bih chian deuh kan ngai.
Kan chuangah Lal Isua a chuan hma (kan pianthar hma) chuan kan duh dan dan in kan lo nung pawh a ni thei, piangthar kan nih ang ngeiin kan nun dan, kan duh zawng leh chetzia pawh a danglam ve tur a ni. Kan pianthar tawh chuan kan chungah Lal Isua a chuang tawh tihna ani. Fakna hla in 'Ka tih thin te tih a rem tawh lo, Ka tih ngai loh te tih a tul zawk a' a tih nun kha kan neih a ngai.Pathianin a tan a nung a thawk turin min duh.
Tumkauni kan hman atang hian Lal Isua chuanna kan nih ang ngei hian insiam thar ila,kan la chuantir lo a nih pawhin a chuanna tlak ni turin in buatsaih a pawimawh. A kim lovin ka hria a, a kim lovin ka rawn post a ni e.
11 comments:
E khai lung i tileng mange, kan naupan ve lai kha aw....
Lal Isua chuanna sabengtung no kha sawi zawih a nih pawh kan hre lova, Lal Isua a chuan khan a hmin zan mai. Keini hi zawng sawizawi kan la ngaifo a nih duh hle a nih hi.
Hmm... a kim lovin chuang lo hram sela!! :D
Haleluiah a va thra kher em! tunlai chu ka tuihal a ni, ka nun hian mamawh a nei tih ka hria, sawizawi tawh hi kan han nuar khawtlai leh thrin a nia... Hringnun khawvel tak hi chu... A thra khawp mai... unaupa ti zel teh nang hi min ti piangthar thei dawn. Ka tumkau kawngzawh ve hman ta lo na a, kan deptt leader bial inkhawmah a kal a, ka hruai thung... Ka piana hnu lama naupang hmaa ka thusawi thrat ber leh sawi tur ka hriat tam ber trum a ni hial awm e. Palm Sunday hi kumin chu ka hlawkpui kher mai.
"Kros-ah chuan, kros-ah chuan ka ropui awm rawh se..." Kros-ah hian kan ropuina zawng zawng kan pe phal tak tak ang em? Lal a nihna ang taka chawimawi turin Sabengtung kan ni ve ngam ang em? tihte min ngaihtuah tir ka ti!
Puibawiha :
Kumin chu kawngzawhnaah ka tel ve hmanlova, ka chak tehreng nen. Sawizawi kan ngai vek a nilawmni?
Zaia :
A kimin kan chuan tir dawn nia :)
dolien :
Thawk ropui bik hle mai. A ai a tha in i la sawi zel dawn nia
Faka :
Kross ah ropuina dah turin tan la ila tiraw? Lo ngaihtuah zawm la rawn ziah belh teh
Sermon tawi tha tak a ni e.
Chuti maw?? Mahni rilru a awm ang pawh hian ka ziak chhuak zo ngang thin lo
ROPUI taka Jerusalem luh kan ti chawk a, HNEHTU niin a lut zawk mah asin. Mihringte hian ropui kan duh em a, a ropuina lam kha kan hmu lianin kan chawivawng ta zawk mah a ni mai thei a ni.
Ropui ai chuan Hnehtu nih hi kan thlarau nunah leh Kristianna nunah pawh hian a pawimawh zawk.
A dik maithei. Hnehtu nih hi thil tha a ni reng asin. Ropuina kan um avang hian alawm kan hnungtawlh leh thin reng ni
Ropui tih aiah hnehtu tih hi kei pawh ka rilruah a tla na zawk tlat..... vawhin hian KTP chanchinbu ka buaitsaiha, palm sunday lamhawi sermon ziah ka duh si, ka ziak hleithei bawk si lo, google- hmang in he i sermon tawi hi ka hmu hlauh, ka lo chhuah ve tawp mai, min hrethiam em ang chu.... sermon tha tak a ni...
Anonymous : Tlai tawh hle mah se a lawmawmkhawp mai,keini thuziak ve te i chhuah duh chuan
Post a Comment