Blog upadate khat bawk a, ziah tan dan tur pawh ka bang bo ta hle mai a. Engpawh nise, Blog neih ve takah chuan ka'n update ve reng reng a nge.Tun tum chu keimah ngeiin ka tawn leh ka vei ve em em thin ka'n post teh ang. Ka rilrua awm chu Bible thu daih a ni a, a nihna ka ziakchhuak zo dawn chuang lo tih inhre reng chungin kan thaihnawk ve leh hram teh ang.
Chanchintha Marka Bung 14 ah khan Isua'n Simona in a chaw a ei tur chung chang kan hmu a, khatah khan chaw an ei hmain Nawhchizuar pakhat a lo kal a, ani chuan a hriak man tam ken chuan Isua chu a leih ta a, a sam te chuan Isua ke te a hru a. Chulai hmuna awm ve te rilruah chuan "He nu hian he hriak rimtui hi hralh sela, Duli 500 lai a man awm si a, chu chu hralhin miretheite hnenah pe zawk se" tiin an ngaihtuah a. Isua'n an ngaihtuahna te a hriat vek avangin a chhang ta a, a chhanna zawng zawng ka duh vek loh avangin ka duh lai te chu Marka 14:8 thu, "A tih theih tawk a ti a ni" tih lai tak hi a ni. Lal Isua'n ti hian a sawi zui a, 'He thil hi an sawina apiangah he nu chan chin hi an sawi tel zel ang' tiin.
A hmingin Office-ah te kan thawk ve a, kan nihna a san loh avangin Pu te chanchin an zawh hmasak pawl kan ni a. Chu bakah, thil tul leh pawimawhah an rawn leh thil tih nasat tir ka ni. Ka thawhna hi Administrator Office a nih avangin Certificate hrang hrang, Tribal, Residential, Income, ILP, etc. lak tum an in tawksir khup chang pawh a tam.Chung min rawn dawr thintute chu theih ang angin ka lo pui fo thin a, kum lama Upa te phei chu puih loh chi pawh an ni lo. Chung ho chu a engamah an hrethiam tak tak lo leh an upat tawh avang an mitin khua a hmuh that tawh loh te pawh an ni thin. Chung ho tan chuan theihtawp lo chhuah pui pawh a awm ngawih ngawih. Thenkhat chu la thalai deuh te an ni a, an dah khah thiam loh min zawt a, chumai piah lamah dahkhah sak turin min la beisei a. Chumi dahkhah mai chu a la zia deuh, chumi piah lama ka huat em em mai chu, anmahni hmig tak ngial pawh Sign peih lova min ziahtir talh tum an awm leh khut thin. A nihna takah chuan a hnu leh zelah pawh puih an chakawm loh thin. An hriat loh min zawt a, tihdan tur kawhhmuh chu ka tih gei ngei tur ani, keipawhin ka zawh ve fo thin avangin. Dahkhah sak mai pawh ka la hreh lo, anmahni tih ve theih reng, an hming sign thleng thlenga min tih tir talh an tum thin hi ka ngai thei bau lova, puih pawh an chakawm loh rawih thin.
Chanchintha Marka Bung 14 ah khan Isua'n Simona in a chaw a ei tur chung chang kan hmu a, khatah khan chaw an ei hmain Nawhchizuar pakhat a lo kal a, ani chuan a hriak man tam ken chuan Isua chu a leih ta a, a sam te chuan Isua ke te a hru a. Chulai hmuna awm ve te rilruah chuan "He nu hian he hriak rimtui hi hralh sela, Duli 500 lai a man awm si a, chu chu hralhin miretheite hnenah pe zawk se" tiin an ngaihtuah a. Isua'n an ngaihtuahna te a hriat vek avangin a chhang ta a, a chhanna zawng zawng ka duh vek loh avangin ka duh lai te chu Marka 14:8 thu, "A tih theih tawk a ti a ni" tih lai tak hi a ni. Lal Isua'n ti hian a sawi zui a, 'He thil hi an sawina apiangah he nu chan chin hi an sawi tel zel ang' tiin.
A hmingin Office-ah te kan thawk ve a, kan nihna a san loh avangin Pu te chanchin an zawh hmasak pawl kan ni a. Chu bakah, thil tul leh pawimawhah an rawn leh thil tih nasat tir ka ni. Ka thawhna hi Administrator Office a nih avangin Certificate hrang hrang, Tribal, Residential, Income, ILP, etc. lak tum an in tawksir khup chang pawh a tam.Chung min rawn dawr thintute chu theih ang angin ka lo pui fo thin a, kum lama Upa te phei chu puih loh chi pawh an ni lo. Chung ho chu a engamah an hrethiam tak tak lo leh an upat tawh avang an mitin khua a hmuh that tawh loh te pawh an ni thin. Chung ho tan chuan theihtawp lo chhuah pui pawh a awm ngawih ngawih. Thenkhat chu la thalai deuh te an ni a, an dah khah thiam loh min zawt a, chumai piah lamah dahkhah sak turin min la beisei a. Chumi dahkhah mai chu a la zia deuh, chumi piah lama ka huat em em mai chu, anmahni hmig tak ngial pawh Sign peih lova min ziahtir talh tum an awm leh khut thin. A nihna takah chuan a hnu leh zelah pawh puih an chakawm loh thin. An hriat loh min zawt a, tihdan tur kawhhmuh chu ka tih gei ngei tur ani, keipawhin ka zawh ve fo thin avangin. Dahkhah sak mai pawh ka la hreh lo, anmahni tih ve theih reng, an hming sign thleng thlenga min tih tir talh an tum thin hi ka ngai thei bau lova, puih pawh an chakawm loh rawih thin.
Thenkhat chu ziak leh chhiar thiamloh avanga kut zungpui nem te pawh an awm, chung ho chuan "Kut zungpui min nem sak rawh" min ti ngai lova, anmahni zawkin, 'Kut zungpui kan nem mai ang' an ti zawk thin. Chung ho ai chuan an vannei zawk a, an ziak thei a, a ziah dan tur an hrelo mai chauh a ni a, chung hovin anmahni tih thei tawk ti hmasa phawt lova, midang an ring tlat thin hi ka hua a, malsawmna dawng tlakah pawh ka ngai lova, kutdawh nen thuhmun rengah ka ngai. Certificate pawh nei tlak vakah ka ruat lo.(Ka ti mah mah em aw...?)
Nawhchizuar hmeichhia pawh khan a tih theih tawk a ti ani tih Isua'n a hriat avangin a sual a ngaidam a, a tih theih tawk kha ti lo ta se ngaihdam a ni ang em? tih hi zawhna pawimawh tak a ni. Midang puihna lo chuan tumah nung thei kan awm lova, kei phei chuan ka thei lo leh zual. Chutiang mihring pawh chu ni mah ila mi puihna hi a thlawn ngawt a dawng tur chu kan ni bik lova (Kutdawh rilru pu ngawt tur kan ni lo), keimahni lam pawh hi PUIH TLAKIN kan awm ve phawt hi a ngai hian ka hre thin.
Chuvangin chhiartu duh tak, midang puihna i beisei a nih pawhin PUIH TLAKIN AWM HMASA phawt thin ang che.
Nawhchizuar hmeichhia pawh khan a tih theih tawk a ti ani tih Isua'n a hriat avangin a sual a ngaidam a, a tih theih tawk kha ti lo ta se ngaihdam a ni ang em? tih hi zawhna pawimawh tak a ni. Midang puihna lo chuan tumah nung thei kan awm lova, kei phei chuan ka thei lo leh zual. Chutiang mihring pawh chu ni mah ila mi puihna hi a thlawn ngawt a dawng tur chu kan ni bik lova (Kutdawh rilru pu ngawt tur kan ni lo), keimahni lam pawh hi PUIH TLAKIN kan awm ve phawt hi a ngai hian ka hre thin.
Chuvangin chhiartu duh tak, midang puihna i beisei a nih pawhin PUIH TLAKIN AWM HMASA phawt thin ang che.
7 comments:
A va thain a va ropui ve! Puih châkawm miah loh hi an awm nia. I sawi ang khian, mahni inhaikuak tum miah lova midang rinchhan chunga awlsam taka thil tih tumte hi an huatthlala a, puih an châkawm thlawt lo. I entawntlak khawp mai a, tluang leh ngil takin i hna chu thawk zel la, malsawmna pawh i dawng zelin ka ring a ni.
I ziak tha khawp mai. "God helps those who help themselves" an tih bawk kha maw.
Keini lamah chuan Office-a hnathawkte hian form min fill up sak te hi an chak thei khawp nia, a chhanchu an sum hmuhna chikhat a ni a, keiman ka fill up mai ang tih pawh hian an phal vak lo. Corruption a nasa thin hle. Chuti zat tiin min bill tawp mai.
Kawlram kohhran (ringtu) tam tak hi kan rethei a, foreign tanpuinaah kan innghat nasa hle. Ringtu kutdawh hi kan ang berin ka hre thin. Kohhrana kan thahnemngaihna te pawh a nep zo vek a. Kan moral hi siam that a ngai khawp mai.
Tum neimi hi an zahawm, puih theihnaah pawh puih an phurawm bik thin. Chutih karah chuan, upa lam ngat phei chu kan rualpui aia hawihhawm lehzual a biak an phu ka ti hluah hluah.
Hawihhawm tawn ve ve a indawr hialo nuam ber mai.
TS Khupchong : Ka lawm e. Nia, puih chakawm loh deuh hi an awm ve a...
lr hlonchhing : Ka lawm e. Ziah that hi a har khawp mai.
Puibawiha : Chutiang chu vai ramah pawh an hrat an ti, ka la tawng ve lo nain. I sawi ang khian kan rilru lam hi siam that chu a ngaih hmel khawp mai.
H. Vangchhia : Kum upa tawh ho hi chu puih ngai hrim hrim an nia, thalai si, mahni a tih tumna nei miahlo ho hi a nia ka huat em em mai chu. I sawi ang khian hawihhawm ve ve indawr chu zia tak a ni.
engamah hmaa Pathian auh ruai nghal mai te hi fuhlohna a nei deuhin ka hria, midang la ni ngai reng reng lo mahni kan ni.
A nia sin @Anonymous
Post a Comment