SILENT NIGHT (ZANTHIANG REH LAI TAKIN)

SILENT NIGHT (ZANTHIANG REH LAI TAKIN)

15.11.2014

Silent night, Holy night

All is calm, all is bright

Round yon virgin, mother and child

Holy infant, tender and mild

Sleep in heavenly peace,

Sleep in heavenly peace.

Chu zan chu a thiang nuam kher mai. Duhthusam ani mah zawk awm e. Boruak inlumlet chu a dai duk mai a, chunglam han thlir ila chhumte lah chu hmanhmawh miah lo hian an tawlh del del mai a, chu boruak nuam tak chuan rilru hah pawh a chhawk hneh ngei mai. Natna zawng zawng awm tawh lo hmel hi a pu roh a! Engkim mai hi a daiin a ngawi duk emaw tih mai tur a ni a, engemaw zawng tak chuan rilru a ti hnim thei lek lek mai. Zan pawh a lo rei ta a, mu turte pawh an muhil zo ta a ni ange.

Ngawi duk e ti lo chuan khua a hnim chu a ni chuang hauh si lo. A eng uar zawk nghe nghe a sin! Khua chu a vawt nek leh nghal a, vawt hle mahse chutih laia thil thleng erawh chu a danglam phah chuang lo. Nula thianghlim pakhat chu nau veiin na a tuar mek a ni si a,chu zan khawvawt takah chuan fa a neih a thulh thei si lo. Fa chu a nei ta nge nge a, fa neihna turin duh thlang thei dinhmunah a ding lova, a hun laia damdawi lam thiam pan tur pawhin hun  a nei hek lo. A chan tawk leh a hmun neih tawk chu RAN IN chu a ni mai a, chuti chung chuan chhete pawhin a phunnwai chuang lo. A fapa lo piang khawvawtin a hmeh hlum lohna turin a kuah chial a, chu nau lo piang chu thlamuang takin a muhil siai siai thung a!

Silent night, Holy night

Son of God, love's pure light

Radiant beams from thy holy face

With the dawn of redeeming grace,

Jesus, Lord at thy birth

Jesus, Lord at thy birth.

Chu zan chu vawtin reh hle mahse thil thleng chu thlakthleng theih a ni chuang lo. Chutihlaia nau lo piang chu tudang nilovin Lei leh Van lal ber, min chhandamtu tur chu a ni.  A hmel chu fa atana hmel duhthusam a ni. Ani, khawvel mi zawng zawng hian an duhthusam thawhkhawm tase, pakhatmah a bawhpel hauh lovang! Chumi zan chu vawtin hrehawm hle mahse, hmangaihna eng chu lanchhuahtirin a awm a, hrehawmna zawng zawng tuar huamin kan tan a lo piang ta tho va!

Khawfing pawh a chat lek lek tawh a, vartian pawh a lo hnai ta hle mai. NI pawhin chhuah a chak hmel tawh hle a, boruak erawh a la pangngai reng thung a. Chu Ran In chhungah chuan chu Nausen lo piangtharte NUFA chu an la intuam lum ve tawk tawk a. Bang awng atanga eng lo lut paw riai leh sin tê mai chuan a hmel chu a chhun ser ser a. Nilo, chu eng chu Nausen hmel atanga lo chhuak a ni zawk. Amah chu Lei leh Van lalber, Isua Krista chu a ni si a.

Silent night, Holy night

Shepherds quake, at the sight

Glories stream from heaven above

Heavenly, hosts sing Hallelujah.

Christ the Savior is born,

Christ the Savior is born.

Chu zan chu vawtin reh hle mahse thil thleng chu thlakthleng theih a ni chuang lo. Lal Isua pian zan a ni miau a. Chu mi khaw dai a Beramvengtu te pawh chu zan dang anglo takin an muhil thei miah lo. An ril;ru chhungrilah engemawni a awm a, an sawi chhuak thiam hlei lova. Chuvang emawni teh reng ni, an kuk leh rui rui thin a, a changin fiamthu te thawhin a hcang leh an Bersam chanchin te an sawi leh tih bawk a. An hgla thiam chhun chhunte pawh an han sa ho ve bawk nain mutchhuahna thlarau a lo thleng thei chuang lo.

An beisei loh lutuk maiin an vel  alo eng ta phut mai a, thenkhat chuan Ni a chhuak ta phut emaw an ti ngei ang! Nimahsela, chu eng chu Ni eng awzawng a ni lo, Lalpa ropuina eng a ni zawk tih erawh an hrethiam thuai a. An vel thim zawng zanwg a lo eng ta a, an meichhem ve ringawt pawh chu a lang thim thie lek lek hial a! An hnenah chuan Van Angel ten hlamawi tak mai an rawn sa a, chu chu Noel hmasa ber ti a an sawi thin chu ani. An hla sak leh an Halelui thawm chu Berampu te tan chuan hai chi rual a ni lo. Vana mi, mipui tamtakte chuan chu hla chu zawmin khawvela hla mawi ber mai leh Krismas Carol hmasa ber chu a lo thleng ta ani. Hla satliah ani lo, chawimawina hla a nih rualin hnehna lawmna hla a ni tlat! Chu an hla sak atang chuan Berampu te pawh chuan Chhandamtu lo pian thu an lo hriat phah ta hial a! 

Kan fakna leh zaithawm hian midangte tan lawmna leh hlimna a thlen ve zo angem le?